സ്കൂൾ വിദ്യാർത്ഥികൾക്ക് വാല്മീകി രാമായണം സൗജന്യ ഓൺലൈൻ മത്സരം
കാറൽമണ്ണ വേദഗുരുകുലത്തിൻ്റെ നേതൃത്വത്തിൽ സ്കൂൾ വിദ്യാർത്ഥികൾക്കായി വർഷം തോറും നടത്തിവരാറുള്ള വാല്മീകി രാമായണം സൗജന്യ ഓൺലൈൻ മത്സരം ഈ വർഷവും നടത്തുന്നു.
വിജയികൾക്ക് കാറൽമണ്ണയിലെ വേദഗുരുകുലത്തിൽ നിന്ന് ആകർഷകമായ ക്യാഷ് പ്രൈസുകളും സർട്ടിഫിക്കറ്റുകളും ലഭിക്കും.
ഒന്നാം സമ്മാനം : ₹ 5000/-
രണ്ടാം സമ്മാനം : ₹ 3000/-
മൂന്നാം സമ്മാനം : ₹ 2000/- (മൂന്ന് വിഭാഗങ്ങൾക്ക് (എൽപി, യുപി, ഹൈസ്കൂൾ) പ്രത്യേകം)
വേദഗുരുകുലത്തിൽ നിന്നുള്ള സർട്ടിഫിക്കറ്റുകൾ ഓരോ മൂന്ന് വിഭാഗങ്ങളിലെയും മികച്ച മൂന്ന് വിജയികൾക്ക് തൊട്ടുതാഴെ മാർക്ക് നേടുന്ന മികച്ച 25 വിദ്യാർത്ഥികൾക്ക് നൽകുന്നതാണ്.
പരീക്ഷയുടെ വിശദാംശങ്ങൾ:
1-ാം ക്ലാസ് മുതൽ 10-ാം ക്ലാസ് വരെയുള്ള വിദ്യാർത്ഥികൾക്ക് മൂന്ന് വിഭാഗങ്ങളിലായി മത്സരത്തിൽ പങ്കെടുക്കാൻ അർഹതയുണ്ട്, അതായത് എൽ. പി (ക്ലാസ് 1 മുതൽ 4 വരെ), യു. പി (ക്ലാസ് 5 മുതൽ 7 വരെ), ഹൈസ്കൂൾ (ക്ലാസ് 8 മുതൽ 10 വരെ).
എല്ലാ വിഭാഗങ്ങൾക്കുമുള്ള ചോദ്യങ്ങൾ ആദ്യത്തെ ഭാരതീയ ഇതിഹാസമായ വാല്മീകി രാമായണത്തെ അടിസ്ഥാനമാക്കിയുള്ളതായിരിക്കും, കൂടാതെ ചില പൊതു ചോദ്യങ്ങളും ഉൾപ്പെടുന്നു.
ചോദ്യങ്ങൾ ഇംഗ്ലീഷിലും മലയാളത്തിലും ആയിരിക്കും ഉണ്ടാവുക. ഓരോ ചോദ്യത്തിനും മൂന്ന് ഉത്തരങ്ങൾ ഉണ്ടായിരിക്കും, അവയിൽ നിന്ന് ശരിയായ ഉത്തരം തിരഞ്ഞെടുക്കുകയാണ് വേണ്ടത്.
മത്സരം ഓൺലൈൻ ആയാണ് നടക്കുന്നത്, സ്മാർട്ട്ഫോണുകൾ ഉപയോഗിച്ച് പോലും എളുപ്പത്തിൽ പങ്കെടുക്കാം.
വേദഗുരുകുലം കുലപതിയും വിദ്യാഭാരതി മുൻ അഖിലേന്ത്യാ അധ്യക്ഷനുമായ പണ്ഡിതരത്നം ഡോ.പി.കെ.മാധവൻ, വേദഗുരുകുലം അധ്യക്ഷൻ ശ്രീ. വി. ഗോവിന്ദ ദാസ് മാസ്റ്റർ, വേദഗുരുകുലം അധിഷ്ഠാതാവ് ശ്രീ.കെ. എം. രാജൻ മീമാംസക്. വേദഗുരുകുലം ആചാര്യൻ ശ്രീ. അഖിലേഷ് ആര്യ എന്നിവരുടെ നേതൃത്വത്തിലുള്ള ഒരു ഉന്നത സമിതിയാണ് പരീക്ഷാനടത്തിപ്പുമായി ബന്ധപ്പെട്ട വിഷയങ്ങൾ കൈകാര്യം ചെയ്യുന്നത്.
ഒന്നും രണ്ടും മൂന്നും സ്ഥാനങ്ങളിൽ കൂടുതൽ വിദ്യാർത്ഥികൾ വരുന്നുണ്ടെങ്കിൽ, വിജയികളെ അധിക പരീക്ഷകൾ വഴി കണ്ടെത്തും. പരീക്ഷ പൂർത്തിയാക്കാനെടുക്കുന്ന സമയം, അവരുടെ പ്രായം മുതലായവ കണക്കിലെടുക്കുന്നതായിരിക്കും. പരീക്ഷയുടെ നടത്തിപ്പും സമ്മാന വിതരണവും സംഘാടകരുടെ മാത്രം വിവേചനാധികാരത്തിന് കീഴിലായിരിക്കും നടക്കുന്നത്.
സനാതന ധർമ്മത്തിൻ്റെ പ്രചാരണം വഴി തികച്ചും മാനവികതയുടെ നന്മയ്ക്കുവേണ്ടിയാണ് ഈ മത്സരം നടത്തുന്നത്.
പങ്കെടുക്കുന്നവരിൽ നിന്ന് രജിസ്ട്രേഷനോ മറ്റേതെങ്കിലും തരത്തിലുള്ള ഫീസോ ഈടാക്കുന്നതല്ല.
വേദഗുരുകുലത്തിൽ നിന്ന് പ്രസിദ്ധീകരിക്കുന്ന ദയാനന്ദസന്ദേശം എന്ന ഒരു വൈദിക ദാർശനിക മാസികയുടെ ഒരു സൗജന്യ കോപ്പി പരീക്ഷക്ക് രജിസ്റ്റർ ചെയ്യുന്ന ആദ്യത്തെ 100 വിദ്യാർത്ഥികൾക്ക് 6 മാസത്തേക്ക് അയച്ചുകൊടുക്കുന്നതാണ്. (അത് സ്വീകരിക്കാൻ അവർക്ക് താൽപ്പര്യമുണ്ടെങ്കിൽ മാത്രം)
പരീക്ഷാ തീയതി: 10 ആഗസ്റ്റ് 2025 (ഞായർ)
പരീക്ഷ സമയം: എൽപി വിഭാഗത്തിന്: വൈകുന്നേരം 3 മുതൽ 3.30 വരെ യു. പി & ഹൈസ്കൂൾ വിഭാഗത്തിന്: വൈകുന്നേരം 3 മുതൽ 4 വരെ.
രജിസ്ട്രേഷൻ 2025 ഓഗസ്റ്റ് 8 ന് വൈകുന്നേരം 5 മണിക്ക് അവസാനിക്കും
രജിസ്റ്റർ ചെയ്യാൻ ഈ ലിങ്കിൽ ക്ലിക്ക് ചെയ്യുക
മത്സരവുമായി ബന്ധപ്പെട്ട വിവരങ്ങള്ക്ക്, ഞങ്ങളുടെ ഇമെയിൽ ഐഡി onlinevedagurukulam@gmail.com വഴിയും 9446575923, 9497525923 നമ്പറുകൾ വഴിയും ഞങ്ങളെ ബന്ധപ്പെടാവുന്നതാണ്.(കാലത്ത് 8.30 മുതൽ വൈകുന്നേരം 5 മണി വരെ)
ചോദ്യപേപ്പർ ലിങ്ക് വിദ്യാർത്ഥികളുടെ രജിസ്റ്റർ ചെയ്ത ഇമെയിൽ ഐഡിയിലൂടെ അയയ്ക്കും, അതിനാൽ രജിസ്ട്രേഷൻ സമയത്ത് വിദ്യാർത്ഥികൾ ശരിയായ ഇമെയിൽ ഐഡികൾ നൽകുന്നുണ്ടെന്ന് ദയവായി ഉറപ്പാക്കുക.
TEAM VEDA GURUKULAM, KARALMANNA
