വേദഗുരുകുലംകെട്ടിട നിര്‍മ്മാണത്തിന് ഒരു കൈത്താങ്ങ് – ശിലാന്യാസ കര്‍മ്മം

(2025 ഓഗസ്റ്റ് 30, ശനിയാഴ്ച രാവിലെ 9:00 മണിക്ക് ജൂന അഖാഡ മഹാമണ്ഡലേശ്വര്‍ സ്വാമി ആനന്ദവനം ഭാരതിയുടെ കരകമലങ്ങളാല്‍)

നമസ്‌തെ,

കഴിഞ്ഞ പത്ത് വര്‍ഷത്തിലധികമായി യാഗഭൂമിയായ കാറല്‍മണ്ണ ഗ്രാമത്തില്‍ വര്‍ണ്ണ-വര്‍ഗ്ഗ വ്യത്യാസമില്ലാതെ യോഗ്യരായ എല്ലാവര്‍ക്കും സാംഗോപാംഗ വേദപഠനം സൗജന്യമായി നല്‍കുന്ന ഒരു ധര്‍മ്മസ്ഥാപനമാണ് കാറല്‍ മണ്ണ വേദഗുരുകുലം. വേദപഠനത്തോടൊപ്പം ആറാം ക്ലാസ്സ് മുതല്‍ പ്ലസ് ടു വരെ NCERT ഇംഗ്ലീഷ് മീഡിയം സിലബസ്സില്‍ കേന്ദ്രീയ സംസ്‌കൃത സര്‍വ്വകലാശാലയുടെ അംഗീകാരത്തോടുകൂടി സ്‌കൂള്‍ പഠനവും ഇവിടെ നടക്കുന്നുണ്ട്. ഭാരതീയ സാഹിത്യത്തിലും ദര്‍ശനങ്ങളിലും ഉന്നതപഠനം നടത്താന്‍ ഇപ്പോള്‍ ഉള്ള സൗകര്യം വികസിപ്പിക്കേണ്ടതുണ്ട്. അതിന്റെ ഭാഗമായി ആധുനിക സൗകര്യങ്ങളോടുകൂടിയ ഒരു മൂന്നുനില സൗധം നിര്‍മ്മിക്കാന്‍ ആഗ്രഹിക്കുന്നു. അതിന്റെ ആദ്യ ഘട്ടമായി 1500 ചതുരശ്ര അടി വിസ്തീര്‍ണ്ണം വരുന്ന താഴത്തെ നിലയുടെ ശിലാന്യാസ കര്‍മ്മം വൈദിക വിധിയോടെ 2025 ആഗസ്റ്റ് 30 ന് ശനിയാഴ്ച കാലത്ത് 9 ന് പ്രാചീന ജൂന അഖാഡയുടെ മഹാമണ്ഡലേശ്വരും മലയാളിയുമായ ആദരണീയനായ സ്വാമി ആനന്ദവനം ഭാരതിയുടെ കരകമലങ്ങളാല്‍ നിര്‍വ്വഹിക്കപ്പെടുന്നതാണ്. ഈ ഭവ്യമുഹൂര്‍ത്തത്തിലേക്ക് എല്ലാ ധര്‍മ്മജിജ്ഞാസുക്കളേയും സ്‌നേഹ പൂര്‍വ്വം ക്ഷണിച്ചുകൊള്ളുന്നു.

ധര്‍മ്മപ്രേമികളായ ദാനികളുടെ സഹായസഹകരണത്താല്‍ മാത്രമേ ഈ നിര്‍മ്മാണലക്ഷ്യം കൈവരിക്കാനാവൂ എന്നതിനാല്‍ താങ്കളുടെ നിര്‍ല്ലോപമായ സഹായം ഉണ്ടാവണം എന്ന് അഭ്യര്‍ത്ഥിക്കുന്നു. വേദഗുരുകുലത്തിന് നല്‍കുന്ന ദാനത്തിന് സെക്ഷന്‍ 80 (G) പ്രകാരം ആദായ നികുതി ആനുകൂല്യങ്ങള്‍ ലഭിക്കുന്നതാണ്. നമ്മുടെ ബാങ്ക് വിവരങ്ങള്‍ ഇതോടൊപ്പം കൊടുക്കുന്നു.

Our Veda Gurukulam Bank Details
ACCOUNT NAME: VEDA GURUKULAM
PUNJAB NATIONAL BANK | BRANCH: CHERPALCHERY
ACCOUNT NO: 4264000100086562 | IFSC CODE: PUNB0426400
UPI ID : 0516400A0132033.mab@pnb | PANCARD NO: AADTA8611N
Donations are eligible for deduction under Section 80G of Income Tax Act 1961

Whatsapp No. 9446575923, 9497525923

സ്‌നേഹപൂര്‍വ്വം,

കെ. എം. രാജന്‍ മീമാംസക്
അധിഷ്ഠാതാവ്
വേദഗുരുകുലം

വി. ഗോവിന്ദ ദാസ്
അധ്യക്ഷന്‍
വേദഗുരുകുലം

വേദഗുരുകുലം, കാറല്‍മണ്ണ തപാല്‍, പാലക്കാട് 679506