ഭാഗ്യസൂക്തം രണ്ടാം മന്ത്രം
✍️ കെ. എം. രാജൻ മീമാംസക്
ഋഷി: വസിഷ്ഠ: | ദേവതാ ഭഗ: | ച്ഛന്ദ: നിചൃത് തൃഷ്ടുപ് | സ്വര: നിഷാദ: ||
പ്രാതർജിതം ഭഗമുഗ്രം ഹുവേമ വയം പുത്രമദിതേര്യോ വിധർതാ । ആധ്രശ്ചിദ്യം മന്യമാനസ്തുരശ്ചിദ്രാജാ ചിദ്യം ഭഗം ഭക്ഷീത്യാഹ॥
(ഋഗ്വേദം മണ്ഡലം 7, സൂക്തം 41, മന്ത്രം 2)
പദാർത്ഥം : (പ്രാത:) ബ്രാഹ്മമുഹൂർത്തത്തിൽ (ജിതമ്) ജയശീലനും (ഭഗം) ഐശ്വര്യദാതാവും (ഉഗ്രം) തേജസ്വിയും (അദിതേഃ) സമസ്ത ബ്രഹ്മാണ്ഡത്തേയും (പുത്രമ്) പവിത്രകരിക്കുന്നവനും (യഃ) ആരാണോ (വിധർത്താ) വിവിധ പ്രകാരത്തിൽ ധാരണംചെയ്യുന്നവനായിട്ടുള്ള പ്രഭുവാകുന്നത് അദ്ദേഹത്തെ (വയം) ഞങ്ങൾ (ഹുവേമ) സ്തുതിക്കുന്നു. (യം ചിത്) ആരാണോ (ആധ്ര) എല്ലാ വശങ്ങളിൽ നിന്നും ധാരണം ചെയ്യുന്നവനും (മന്യമാന:) അറിയപ്പെടുന്നവനും (തുരശ്ചിത്) ദുഷ്ടന്മാരെ ശിക്ഷിക്കുന്നവനും (രാജാ) പ്രകാശസ്വരൂപനും എല്ലാറ്റിന്റെയും യജമാനനായി കണക്കാക്കപ്പെടുന്നത് (യം ചിത്) ഏതൊരു ഭഗവാന്റെ (ഭഗം) ഭജനീയ സ്വരൂപത്തെ (ഭക്ഷി) ഞാൻ സേവിക്കുന്നു, സ്തുതിക്കുന്നു, അദ്ദേഹത്തിന്റെ (ആഹ) ഉപദേശങ്ങളെ മാത്രം ഞാൻ പ്രചരിപ്പിക്കുന്നു.
(കടപ്പാട്: മഹർഷി ദയാനന്ദസരസ്വതിയുടേയും പണ്ഡിറ്റ്യുധിഷ്ഠിർ മീമാംസകിന്റേയും വേദഭാഷ്യങ്ങൾ)
🙏
കെ. എം. രാജൻ മീമാംസക്
ആര്യപ്രചാരക് & അധിഷ്ഠാതാവ്
വേദഗുരുകുലം, കാറൽമണ്ണ & ലേഖരാം കന്യാഗുരുകുലം, വെള്ളിനേഴി
