✍️ കെ. എം. രാജൻ മീമാംസക്
ഈശ്വരന്റെ നാമങ്ങൾ
ഹിരണ്മയേന പാത്രേണ സത്യസ്യാപിഹിതം മുഖം।
യോഞ്സാവാദിത്യേ പുരുഷഃ സോfസാവഹം। ഓ३മ്ഖംബ്രഹ്മ।।
(യജുർവേദം 40.17)
ഭാവാർത്ഥം:
എല്ലാ മനുഷ്യരോടും പരമേശ്വരൻ ഉപദേശിക്കുന്നു: “ഹേ മനുഷ്യരേ! ഇവിടെ ഉള്ള ഞാൻ തന്നെയാണ് സൂര്യനിലും ഉള്ളത്. സൂര്യനിലുള്ള ഞാൻ തന്നെയാണ് ഇവിടെ ഉള്ളതും. ഞാൻ സർവവ്യാപിയാണ്; ആകാശത്തെപ്പോലെ എല്ലായിടത്തും നിറഞ്ഞുനിൽക്കുന്നു. എന്നെക്കാൾ വലുതോ ശ്രേഷ്ഠമോ ആയ മറ്റൊന്നുമില്ല. ഞാൻ എല്ലാവരിലും മഹാനാണ്.
‘ഓം’ എന്നതാണ് എന്റെ സ്വന്തം നാമം. സദ്ഗുണങ്ങളുള്ള പുത്രൻ മാതാപിതാക്കൾക്ക് എത്ര പ്രിയനോ, പ്രാണൻ ശരീരത്തിന് എത്ര പ്രിയമോ, അതുപോലെ ‘ഓം’ എന്ന നാമം എനിക്ക് അതിപ്രിയമാണ്.
ആരൊക്കെയോ സ്നേഹത്തോടും സത്യനിഷ്ഠയോടും കപടമില്ലാത്ത ആചരണത്തോടും കൂടി എന്നെ ശരണം പ്രാപിക്കുന്നുവോ, അവരുടെ അന്തർയാമിയായ ഞാൻ അവരുടെ അവിദ്യയെ നശിപ്പിച്ച്, അവരുടെ ആത്മസ്വരൂപത്തെ പ്രകാശിപ്പിക്കുന്നു. തുടർന്ന് അവരുടെ ഉള്ളിൽ ശുഭഗുണങ്ങളും സൽകർമ്മങ്ങളും ഉത്തമസ്വഭാവവും വളർത്തി, സത്യസ്വരൂപമായ ആചരണത്തിൽ അവരെ ഉറപ്പിക്കുകയും, യോഗാഭ്യാസത്തിലൂടെ ലഭിക്കുന്ന വിശുദ്ധ വിജ്ഞാനം നൽകുകയും, എല്ലാ ദുഃഖങ്ങളിൽ നിന്നും അവരെ മോചിപ്പിച്ച് മോക്ഷാനന്ദം പ്രാപിപ്പിക്കുകയും ചെയ്യുന്നു. ഇതാണ് ‘ഓം’ എന്ന നാമത്തിന്റെ മഹിമ.”
🙏
കെ. എം. രാജൻ മീമാംസക്
ആര്യപ്രചാരകൻ & അധിഷ്ഠാതാവ്
വേദഗുരുകുലം, കാറൽമണ്ണ & ലേഖരാം കന്യാഗുരുകുലം, വെള്ളിനേഴി
