✍️ കെ. എം. രാജൻ മീമാംസക്
ഈശ്വരന്റെ നാമങ്ങൾ
യസ്മാന്ന ജാതഃ പരോ അന്യോ അസ്തി യ ആവിവേശ ഭുവനാനി വിശ്വാ।
പ്രജാപതിഃ പ്രജയാ സംരരാണസ്ത്രീണി ജ്യോതീംഷി സചതേ സ ഷോഡശീ॥
(യജുർവേദം 8.36)
ഭാവാർത്ഥം
ഗൃഹസ്ഥാശ്രമം സ്വീകരിക്കാൻ ആഗ്രഹിക്കുന്ന മനുഷ്യർ സർവവ്യാപിയായ, സകല ലോകങ്ങളുടെയും സ്രഷ്ടാവും ധാരകനും ദാതാവും നീതിന്യായം നടപ്പാക്കുന്നവനുമായ, സനാതനനും സത്-ചിത്-ആനന്ദ സ്വരൂപനും, നിത്യശുദ്ധനും നിത്യബുദ്ധനും നിത്യമുക്തസ്വഭാവനുമായ, അതിസൂക്ഷ്മത്തേക്കാളും സൂക്ഷ്മനും മഹത്തായതിനെക്കാളും മഹാനുമായ, സർവശക്തനായ പരമാത്മാവിനെയാണ് ഉപാസിക്കേണ്ടത്. അദ്ദേഹത്തേക്കാൾ ശ്രേഷ്ഠനോ അദ്ദേഹത്തോട് തുല്യനോ ആയ മറ്റൊരു സത്തയോ വസ്തുവോ ഇല്ല. അതിനാൽ ഉപാസനയ്ക്ക് യോഗ്യൻ അദ്ദേഹം മാത്രമാണ്.
(കടപ്പാട് : മഹർഷി ദയാനന്ദസരസ്വതിയുടെ യജുർവേദ ഭാഷ്യം)
🙏
കെ. എം. രാജൻ മീമാംസക്
ആര്യപ്രചാരകൻ & അധിഷ്ഠാതാവ്
വേദഗുരുകുലം, കാറൽമണ്ണ & ലേഖരാം കന്യാഗുരുകുലം, വെള്ളിനേഴി
