✍️ കെ. എം. രാജൻ മീമാംസക്
ഈശ്വരന്റെ നാമങ്ങൾ
സ വേദ ദേവ ആനമം ദേവാം ഋതായതേ ദമേ। ദാതി പ്രിയാണി ചിദ് വസു।।
(ഋഗ്വേദം 4.8.3)
അല്ലയോ മനുഷ്യരേ! ഭൂമി തുടങ്ങിയ സമസ്ത ദിവ്യപദാർത്ഥങ്ങളുടെ അധിപതിയും മാർഗദർശകനുമായ ദേവൻ (അഗ്രണി ദേവൻ) ഈശ്വരനാണ്. അതിനാൽ, സമസ്ത ഐശ്വര്യങ്ങളുടെയും ദാതാവായ മഹാദേവനായി ആ ഏക ഈശ്വരനെ അറിയുകയും അംഗീകരിക്കുകയും ചെയ്യുക.
അത്യന്തം സൂക്ഷ്മമായതിനെക്കാളും സൂക്ഷ്മനും, മഹത്തായതിനെക്കാളും മഹാനും, നിരാകാരനും, അനന്തശക്തിയുള്ളവനും, സർവവ്യാപിയുമായ അദ്വിതീയ പരമാത്മാവാണ് ആ ഈശ്വരൻ. അതിസൂക്ഷ്മമായ കാരണമായ പ്രകൃതിയിൽ നിന്ന് ഈ സ്ഥൂലമായ ലോകത്തെ സൃഷ്ടിക്കാനും സംഹരിക്കാനും അദ്ദേഹത്തിന് മാത്രമേ കഴിയൂ.
ആ പരമാത്മാവിനെ ഉപാസിക്കാതെ മറ്റുള്ളവരെ ഉപാസിക്കുന്നവനെക്കാൾ ഭാഗ്യമില്ലാത്തവൻ ഈ ലോകത്തിൽ മറ്റാരുണ്ട്?
(കടപ്പാട് : മഹർഷി ദയാനന്ദസരസ്വതിയുടെ ഋഗ്വേദഭാഷ്യം)
🙏
കെ. എം. രാജൻ മീമാംസക്
ആര്യപ്രചാരകൻ & അധിഷ്ഠാതാവ്
വേദഗുരുകുലം, കാറൽമണ്ണ & ലേഖരാം കന്യാഗുരുകുലം, വെള്ളിനേഴി
