✍️ കെ. എം. രാജൻ മീമാംസക്
ഈശ്വരന്റെ നാമങ്ങൾ
അയം ഹോതാ പ്രഥമഃ പശ്യതേമമിദം ജ്യോതിരമൃതം മർത്യേഷു।
അയം സ ജജ്ഞേ ധ്രുവ ആ നിഷത്തോऽമർത്യസ്തന്വാ വർധമാനഃ॥
(ഋഗ്വേദം 6.9.4)
അല്ലയോ മനുഷ്യരേ! ഈ ശരീരത്തിൽ രണ്ട് നിത്യചൈതന്യ സത്തകളുണ്ട് — ജീവാത്മാവും പരമാത്മാവും.
അവയിൽ ജീവാത്മാവ് അൽപപരിമാണമുള്ളവനും അൽപജ്ഞാനമുള്ളവനും പരിമിതമായ സ്ഥാനത്ത് വസിക്കുന്നവനുമാണ്. അവൻ ശരീരം ധരിച്ച് ജനിക്കുന്നു, വളരുന്നു, രൂപാന്തരം പ്രാപിക്കുന്നു, പിന്നീട് ക്ഷയിക്കുന്നു; കൂടാതെ തന്റെ പാപപുണ്യകർമ്മങ്ങളുടെ ഫലവും അനുഭവിക്കുന്നു.
മറ്റൊരു സത്തയായ പരമേശ്വരൻ (ഹോതാ) സ്ഥിരസ്വരൂപനും സർവജ്ഞനും കർമ്മഫലബന്ധങ്ങളിൽ നിന്ന് പൂർണമായും മുക്തനുമാണ്. ഇപ്രകാരം നിശ്ചയമായി മനസ്സിലാക്കുക.
(കടപ്പാട് : മഹർഷി ദയാനന്ദസരസ്വതിയുടെ ഋഗ്വേദഭാഷ്യം)
🙏
കെ. എം. രാജൻ മീമാംസക്
ആര്യപ്രചാരകൻ & അധിഷ്ഠാതാവ്
വേദഗുരുകുലം, കാറൽമണ്ണ & ലേഖരാം കന്യാഗുരുകുലം, വെള്ളിനേഴി
