വെള്ളിനേഴി ആര്യസമാജത്തിന്റെ നേതൃത്വത്തിൽ കാറൽമണ്ണയിൽ പ്രവർത്തിക്കുന്ന വേദഗുരുകുലം “വേദിക് സയൻസ് വെർച്വൽ വിശ്വവിദ്യാപീഠ്, യു. എസ്. എ” യുമായി സഹകരിച്ചുകൊണ്ട് 2026 ഏപ്രിൽ മാസത്തിൽ ആരംഭിക്കുന്ന താഴെപറയുന്ന കോഴ്സിന് യോഗ്യരായ വിദ്യാർത്ഥികളിൽ നിന്നും അപേക്ഷ ക്ഷണിക്കുന്നു.
KM Rajam Meemamsak
Arya Pracharak & Adhishtatha
Veda Gurukulam & Lekhram Kanya Gurukulam
മലയാളം, ഇംഗ്ലീഷ്, ഹിന്ദി, സംസ്കൃതം എന്നീ ഭാഷകളിൽ ആയിരിക്കും പഠനം.
പഠനം വിജയകരമായി പൂർത്തിയാക്കിയാൽ തങ്ങൾ വൈദികധർമ്മ പ്രചാരണത്തിനും സമാജത്തിന്റെ സർവ്വതോമുഖമായ ഉന്നമനത്തിനുമായി തങ്ങളാൽ ആവുന്ന സേവനം നടത്തുമെന്ന് വിദ്യാർത്ഥികളും അവരുടെ രക്ഷിതാക്കളും രേഖാമൂലം ഉറപ്പ് നൽകണം. കാറൽമണ്ണ വേദഗുരുകുലം ഇത്തരത്തിൽ സമാജസേവനം നടത്താൻ കെൽപ്പുള്ള ധർമ്മപ്രേമികളായ ഒരു തലമുറയെ വാർത്തെടുക്കുക എന്ന ലക്ഷ്യത്തോടെയാണ് സൗജന്യപഠനവും സേവനങ്ങളും നൽകുന്നത്.
വ്യാകരണാചാര്യ
പഠനവിഷയങ്ങൾ
പാണിനി മഹർഷിയുടെ വർണ്ണോച്ചാരണ ശിക്ഷ മുതൽ പതഞ്ജലിയുടെ മഹാഭാഷ്യം വരെ ഉൾക്കൊള്ളുന്നതാണ് ഈ കോഴ്സ്. കൂടാതെ വൈദിക ധർമ്മത്തേക്കുറിച്ചുള്ള അടിസ്ഥാന ഗ്രന്ഥങ്ങളുടെ അധ്യയനം, കേരളീയരീതിയിലുള്ള വേദാലാപനം, സന്ധ്യാവന്ദനം, അഗ്നിഹോത്രം, ശ്രൗതയാഗങ്ങൾ എന്നിവയുടെ പഠനം, യോഗ – പ്രണായാമ – ധ്യാന പരിശീലനം, കളരി പരിശീലനം തുടങ്ങിയവയും ഉണ്ടായിരിക്കും.
പഠനകാലാവധി :
അഞ്ചു വർഷം (ഇത് വിദ്യാർത്ഥികളുടെ സ്മരണശേഷി, വിഷയത്തിൽ ഉള്ള താല്പര്യം എന്നിവ കണക്കിലെടുത്താണ്. ഇത് 6 മാസം വീതമുള്ള 10 തലങ്ങളിൽ (ഫേസ്)) ആയാണ് നടക്കുക. ഓരോ 6 മാസവും കഴിയുമ്പോൾ മൂല്യാങ്കനം നടക്കുന്നതാണ്. അതിൽ വിജയിക്കുന്നവർക്ക് അടുത്ത തലത്തിലേക്ക് പ്രവേശനം ലഭിക്കും. ഓരോ തലങ്ങൾ വിജയകരമായി പൂർത്തിയാക്കുമ്പോഴും “വേദിക് സയൻസ് വെർച്വൽ വിശ്വവിദ്യാപീഠ്, യു. എസ്. എ” നൽകുന്ന സർട്ടിഫിക്കേറ്റ് ലഭിക്കുന്നതാണ്.
ഈ പഠന പദ്ധതി വിജയകരമായി പൂർത്തിയാക്കുന്നവർക്ക് കാറൽമണ്ണ വേദഗുരുകുലം വ്യാകരണാചാര്യ എന്ന ഉപാധിയും പ്രമാണപത്രവും നൽകുന്നതാണ്.
ഈ കോഴ്സിനുള്ള യോഗ്യത:
(അ) 2026 ഏപ്രിൽ 1 ന് 10 വയസ്സ് പൂർത്തിയായിരിക്കണം.
(ആ) സംസ്കൃതം എഴുതാനും വായിക്കാനും അറിയുന്നത് അഭികാമ്യം.
(ഇ) ഈ സൗജന്യ പഠനം ഗുരുകുലത്തിൽ പൂർണ്ണസമയം വിദ്യാർത്ഥികളായി പഠിക്കാൻ ആഗ്രഹിക്കുന്നവർക്ക് മാത്രമാണ്.
(ഈ) പെൺകുട്ടികൾക്ക് പഠനവും താമസവും ലേഖരാം കന്യാഗുരുകുലം, വെള്ളിനേഴിയിലായിരിക്കും.
വർണ്ണ – വർഗ്ഗ – ലിംഗ വ്യത്യാസമില്ലാതെ വൈദിക ധർമ്മത്തിൽ വിശ്വാസം ഉള്ള നിർദ്ദിഷ്ട യോഗ്യതയുള്ള ജിജ്ഞാസുക്കളായ ആർക്കും അപേക്ഷിക്കാവുന്നതാണ്.
രജിസ്റ്റർ ചെയ്യുവാനുള്ള ലിങ്ക്:
അപേക്ഷ സ്വീകരിക്കുന്ന അവസാന തിയ്യതി : 2026 മാർച്ച് 31 ന് വൈകുന്നേരം 5 മണി
കൂടുതൽ വിവരങ്ങൾക്ക് വേദഗുരുകുലവുമായി ബന്ധപ്പെടുക 9497525923, 9446575923 (കാലത്ത് 9 മുതൽ വൈകുന്നേരം 5 വരെ)
എന്ന്,
കെ.എം.രാജൻ മീമാംസക്
അധിഷ്ഠാതാവ്
കാറൽമണ്ണ വേദഗുരുകുലം
TEAM ARYA SAMAJAM KERALAM