വേദഗുരുകുലത്തിൽ പുതിയതായി നിർമ്മിക്കുന്ന പണ്ഡിറ്റ് ലേഖറാം സ്മൃതി ഭവനത്തിന്റെ ഭൂമിപൂജ (കുറ്റിഅടിക്കൽ) ഇന്ന് 25.8.2025 തിങ്കളാഴ്ച കാലത്ത് 8.30 ന് വൈദിക വിധിപ്രകാരം നടന്നു. വേദഗുരുകുലം ആചാര്യൻ ശ്രീ. അഖിലേഷ് ആര്യ, അധ്യക്ഷൻ ശ്രീ. ഗോവിന്ദ ദാസ് മാസ്റ്റർ, അധിഷ്ഠാതാവ് ശ്രീ. കെ. എം. രാജൻ മീമാംസക്, കോശാധ്യക്ഷൻ ശ്രീ. പി. ശിവശങ്കരൻ, എന്നിവർ യജ്ഞത്തിന് നേതൃത്വം നൽകി. ആഗസ്റ്റ് 30 ന് ശനിയാഴ്ച കാലത്ത് 9 ന് ശിലാന്യാസം നടത്തുന്നത് പ്രാചീന ജൂന അഖാഡയുടെ മഹാമണ്ഡലേശ്വരും മലയാളിയുമായ ആദരണീയനായ സ്വാമി ആനന്ദവനം ഭാരതിയാണ്. യാഗഭൂമിയായ കാറൽമണ്ണ ഗ്രാമത്തിലേക്ക് സ്വാമിജിയെ വൈദിക രീതിയിൽ സ്വീകരിക്കുന്ന ചടങ്ങും ഉണ്ടായിരിക്കുന്നതാണ്.
TEAM VEDA GURUKULAM
