കെ. എം. രാജൻ മീമാംസക്
സ്നാന മന്ത്രം
ഏഴാമത്തെ മന്ത്രം
ഋഷി, ദേവത, ച്ഛന്ദസ്, സ്വരം
ഋഗ്വേദത്തിൽ: ഋഷി: ത്രിശിരാസ്ത്വാഷ്ട്ര:, സിന്ധുദ്വീപോ വാംബരീഷ: | ദേവതാ ആപ: | ച്ഛന്ദ: പ്രതിഷ്ഠാ ഗായത്രീ | സ്വര: ഷഡ്ജ: ||
അഥർവ്വ വേദത്തിൽ : ഋഷി: സിന്ധുദ്വീപോfഥർവ കൃതി:| ദേവതാ അപാനപാത് സോമ ആപശ്ച | ച്ഛന്ദ: ഗായത്രീ ||
ആപ: പ്രണീത ഭേഷജം വരൂഥം തന്വേ३മമ |
ജ്യോക് ച സൂര്യം ദൃശേ 7
(ഋഗ്വേദം 10.9.7, അഥർവ്വ വേദം 1.6.3)
പദാർത്ഥം : (ആപ:) അല്ലയോ ജലമേ! (മമ തന്വേ) എന്റെ ശരീരത്തിനായി (വരൂഥം ഭേഷജം) രോഗനിവാരകമായ ഔഷധങ്ങളെ (പൃണീത) നൽകിയാലും. അങ്ങനെ (ജ്യോക് ച സൂര്യം ദൃശേ) എനിക്ക് എന്റെ ജീവിതകാലം മുഴുവൻ സൂര്യനെ ദീർഘകാലം കാണാൻ കഴിയുമാറാകട്ടെ.
ഭാവാർത്ഥം: ജലം രോഗങ്ങൾ സുഖപ്പെടുത്തുന്ന ഔഷധത്തെ നൽകുന്നു,. അതോടൊപ്പം സൂര്യനെ കാണാനുള്ള ശക്തി മങ്ങാൻ അനുവദിക്കുന്നില്ല – കാഴ്ച വർദ്ധിപ്പിക്കുന്നു – കണ്ണുകളിൽ തളിക്കുന്നതിലൂടേയും മറ്റും. അതുപോലെ, ആപ്തവിദ്വാൻമാർ അവരുടെ സത്സംഗ-ഉപദേശങ്ങളിലൂടെ ദോഷങ്ങൾ ദൂരീകരിക്കുകയും ആത്മീയ ഉൾക്കാഴ്ച നൽകുകയും ചെയ്യുന്നു.
(കടപ്പാട്: പണ്ഡിറ്റ് യുധിഷ്ഠിർ മീമാംസകിന്റെ നിത്യകർമ്മവിധി എന്ന ഗ്രന്ഥവും ഋഗ്വേദം പത്താം മണ്ഡലം ഒമ്പതാം സൂക്തം ഏഴാം മന്ത്രത്തിന് ബ്രഹ്മമുനി പരിവ്രാജക് വിദ്യാമാർത്താണ്ഡ് എഴുതിയ ഭാവാർത്ഥവും)
🙏
കെ. എം. രാജൻ മീമാംസക്
ആര്യപ്രചാരക് & അധിഷ്ഠാതാവ്
വേദഗുരുകുലം, കാറൽമണ്ണ & ലേഖരാം കന്യാഗുരുകുലം, വെള്ളിനേഴി
