കെ. എം. രാജൻ മീമാംസക്
സ്നാന മന്ത്രം
ആറാമത്തെ മന്ത്രം
ഋഷി, ദേവത, ച്ഛന്ദസ്, സ്വരം
ഋഗ്വേദത്തിൽ: ഋഷി: ത്രിശിരാസ്ത്വാഷ്ട്ര:, സിന്ധുദ്വീപോ വാംബരീഷ: | ദേവതാ ആപ: | ച്ഛന്ദ: ഗായത്രീ | സ്വര: ഷഡ്ജ: ||
അഥർവ്വ വേദത്തിൽ : ഋഷി: സിന്ധുദ്വീപോfഥർവ കൃതി:| ദേവതാ അപാനപാത് സോമ ആപശ്ച | ച്ഛന്ദ: ഗായത്രീ ||
അപ്സു മേ സോമോ അബ്രവീദന്തർവിശ്വാനി ഭേഷജാ |
അഗ്നിം ച വിശ്വശംഭൂവമ് 6
(ഋഗ്വേദം 10.9.6, അഥർവ്വ വേദം 1.6.2)
പദാർത്ഥം : (സോമഃ) ഉൽപാദകനായ പരമാത്മാവ് (മേ) എനിക്ക് വേണ്ടി (അബ്രവീത്) പറയുന്നു, ഉപദേശിക്കുന്നു. അതായത് (അപ്സു-അന്തഃ) ജലത്തിനുള്ളിൽ (വിശ്വനി ഭേഷജാ) എല്ലാ ഔഷധങ്ങളും ഉണ്ടെന്ന് (വിശ്വശംഭുവം-അഗ്നിം ച) സർവ്വ മംഗളകാരിയായ അഗ്നിയോടും പറയുന്നു – ഉപദേശിക്കുന്നു.
ഭാവാർത്ഥം:
എല്ലാ രോഗങ്ങളെയും സുഖപ്പെടുത്താനുള്ള ഗുണങ്ങൾ ജലത്തിനുണ്ട്, കുളിക്കുക, കുടിക്കുക, സ്പർശനം, മാർജ്ജനം, ആചമനം തുടങ്ങിയ വിവിധ രീതികളിൽ അവ പ്രാപ്തമാവുന്നു. . ജലത്തിൽ അഗ്നിയുമുണ്ട്, അത് ആരോഗ്യം സംരക്ഷിക്കുന്നു. അത് യാന്ത്രികമായി ജലത്തിൽ പ്രവേശിച്ച് വൈദ്യുതിയുടെ രൂപത്തിൽ പുറത്ത് പ്രത്യക്ഷപ്പെടുന്നു. അതുപോലെ, ആപ്തപുരുഷന്മാർ ജനങ്ങളുടെ ആന്തരിക ദോഷങ്ങൾ നീക്കം ചെയ്യുകയും അവരിൽ നല്ല ഗുണങ്ങൾ ഉണ്ടാക്കുകയും ചെയ്യുന്നു.
(കടപ്പാട്: പണ്ഡിറ്റ് യുധിഷ്ഠിർ മീമാംസകിന്റെ നിത്യകർമ്മ വിധി എന്ന ഗ്രന്ഥവും ഋഗ്വേദം പത്താം മണ്ഡലം ഒമ്പതാം സൂക്തം ആറാം മന്ത്രത്തിന് ബ്രഹ്മമുനി പരിവ്രാജക് വിദ്യാമാർത്താണ്ഡ് എഴുതിയ ഭാവാർത്ഥവും)
🙏
കെ. എം. രാജൻ മീമാംസക്
ആര്യപ്രചാരക് & അധിഷ്ഠാതാവ്
വേദഗുരുകുലം, കാറൽമണ്ണ & ലേഖരാം കന്യാഗുരുകുലം, വെള്ളിനേഴി
