നമസ്തേ,
ഡൽഹി കേന്ദ്രീയ സംസ്കൃത സർവകലാശാലയുടെ അംഗീകാരത്തോടെ കാറൽമണ്ണയിൽ പ്രവർത്തിക്കുന്ന വേദഗുരുകുലത്തിൽ 6-ാം ക്ലാസ്സ് മുതൽ ഡിഗ്രിതലം വരേ പഠിക്കാനുള്ള അവസരം അടുത്ത അക്കാദമിക് വർഷം (2026-2027) മുതൽ ഗുരുകുലം അന്തേവാസികളായ വിദ്യാർത്ഥികൾക്ക് പുറമെ ഡേ സ്കോളേഴ്സിനും ലഭിക്കുന്നതാണ്. ആറാം ക്ലാസ്സ് മുതൽ 12 -ാം ക്ലാസ്സ് വരേ NCERT ഇംഗ്ലീഷ് മീഡിയം സിലബസിൽ ഉള്ള പഠനമായിരിക്കും. സംസ്കൃതം വിഷയത്തിന് പ്രത്യേക പ്രാധ്യാന്യം സിലബസ്സിൽ ഉണ്ടായിരിക്കും. 11,12 ക്ലാസുകളും ഡിഗ്രി പഠനവും സംസ്കൃതം മെയിൻ ആയിട്ടുള്ളതായിരിക്കും. കാലത്ത് 8.30 മുതൽ 1 വരേ സ്കൂൾ അക്കാദമിക് പഠനവും ഉച്ചക്ക് 2 മണി മുതൽ 4 വരേ സനാതന ധർമ്മത്തേയും ഭാരതീയ സംസ്കാരത്തേയും പരിചയപ്പെടുത്തുന്ന പരമ്പരാഗത വൈദിക പഠനം, കരിയർ ഗൈഡൻസ്, വ്യക്തിത്വ വികസനം തുടങ്ങിയവ അടങ്ങിയ സിലബസ് ആയിരിക്കും. ആൺകുട്ടികൾക്ക് കാറൽമണ്ണ വേദഗുരുകുലത്തിലും പെൺകുട്ടികൾക്ക് വെള്ളിനേഴി ലേഖരാം കന്യാഗുരുകുലത്തിലും ആയിരിക്കും ക്ലാസ്സുകൾ. ഗുരുകുലരീതിയിലുള്ള പഠനമായതിനാൽ അതിന് അനുയോജ്യമായ വസ്ത്രങ്ങളും ക്ലാസ്സ് റൂം വ്യവസ്ഥകളുമായിരിക്കും ഉണ്ടായിരിക്കുക. 2026 ഏപ്രിൽ 21 ന് (ശങ്കരാചാര്യ ജയന്തിദിനം) ക്ലാസ്സുകൾ ആരംഭിക്കുന്നതാണ്.
താല്പര്യമുള്ള കുട്ടികളുടെ രക്ഷിതാക്കൾ താഴെ കൊടുക്കുന്ന ലിങ്കിൽ ക്ലിക്ക് ചെയ്ത് രജിസ്റ്റർ ചെയ്യുക.
കൂടുതൽ വിവരങ്ങൾക്ക് 9446575923, 9497525923 എന്നീ നമ്പറുകളിൽ ബന്ധപ്പെടാവുന്നതാണ് (കാലത്ത് 9 മുതൽ വൈകുന്നേരം 5 വരെ).
എന്ന്,
വേദഗുരുകുലത്തിന് വേണ്ടി,
🙏
കെ. എം. രാജൻ മീമാംസക്
അധിഷ്ഠാതാവ്
