✍️ കെ. എം. രാജൻ മീമാംസക്
ഋഷി: രാഹുഗണോ ഗോതമ |
മരുതോ ദേവതാ | പങ്തി ച്ഛന്ദ: | പഞ്ചമ: സ്വര: ||
ഓം ആ വിദ്യുൻമരുദ്ഭിർമരുതഃ സ്വർകൈ രഥേഭിർയാത ഋഷ്ടിമദ്ഭിരശ്വപർണൈഃ ।
ആ വർഷിഷ്ഠയാ ന ഇഷാ വയോ ന പപ്തതാ സുമായാ: || (ഋഗ്വേദം 1.88.1)
ഭാവാർത്ഥം: ഈ മന്ത്രത്തിൽ ഉപമാലങ്കാരമാണുള്ളത്. പക്ഷികൾ മുകളിലേക്കും താഴേക്കും പറന്ന് ഒരു സ്ഥലത്തുനിന്ന് മറ്റൊരിടത്തേക്ക് സുഖമായി സഞ്ചരിക്കുന്നതുപോലെ, മനുഷ്യർ വിമാനങ്ങൾ പോലുള്ള താരവിദ്യയുക്തപ്രയോഗത്താൽ പ്രവർത്തിക്കുന്ന വാഹനങ്ങൾ ഉപയോഗിച്ച് ആകാശത്ത്, കരയിലോ വെള്ളത്തിലോ സുഖമായി സഞ്ചരിച്ച് ആവശ്യമുള്ള ലക്ഷ്യസ്ഥാനങ്ങളിലേക്ക്, തങ്ങളുടെ കർത്തവ്യങ്ങൾ നിറവേറ്റി നിത്യാനന്ദം നേടണം.
ഈ മന്ത്രത്തിൽ പറയുന്ന ‘വിദ്യുൻമരുദ്ഭി:’ ‘രഥൈഃ’ എന്നത് വൈദ്യുതിയാൽ പ്രവർത്തിക്കുന്ന വിമാനങ്ങളെ സൂചിപ്പിക്കുന്നതാണ്. വളരെ പ്രാചീന കാലത്തുതന്നെ വൈദ്യുതികൊണ്ട് പ്രവർത്തിക്കുന്ന വിമാനങ്ങൾ ആര്യാവർത്തത്തിൽ വികസിപ്പിച്ചിരുന്നു എന്ന് ഇതിൽ നിന്ന് വ്യക്തമാവും.
(കടപ്പാട്: മഹർഷി ദയാനന്ദസരസ്വതിയുടെ ഋഗ്വേദഭാഷ്യം)
🙏
കെ. എം. രാജൻ മീമാംസക്
ആര്യപ്രചാരക് & അധിഷ്ഠാതാവ്
വേദഗുരുകുലം, കാറൽമണ്ണ & ലേഖരാം കന്യാഗുരുകുലം, വെള്ളിനേഴി
