ഭാഗ്യസൂക്തം മൂന്നാമത്തെ മന്ത്രം
✍️ കെ. എം. രാജൻ മീമാംസക്
ഋഷി: വസിഷ്ഠ: | ദേവതാ ഭഗ: | ച്ഛന്ദ: നിചൃത് തൃഷ്ടുപ് | സ്വര: ധൈവത: ||
ഭഗ പ്രണേതർഭഗ സത്യരാധോ ഭഗേമാം ധിയമുദവാ ദദന്ന: |
ഭഗ പ്ര ണോ ജനയ ഗോഭിരശ്വൈർഭഗ പ്ര നൃഭീർനൃവന്ത: സ്യാമ ||
(ഋഗ്വേദം മണ്ഡലം 7, സൂക്തം 41, മന്ത്രം 3)
പദാർത്ഥം : അല്ലയോ (ഭഗ) ഭജനീയസ്വരൂപനായ പ്രഭോ! അങ്ങ് എല്ലാറ്റിന്റേയും (പ്രണേത:) ഉൽപ്പാദകനും സത്യാചരണത്തിനുള്ള പ്രേരകനും (സത്യരാധ:) സത്യമായ = നാശമില്ലാത്ത ധനം മോക്ഷരൂപ ഐശ്വര്യത്തേ നൽകുന്നവനാണ്. അങ്ങ് (ന:) ഞങ്ങൾക്ക് (ഇമാമ്) ഈ (ധിയമ്) പ്രജ്ഞ = ബുദ്ധിയേ (ദദത) നൽകിയാലും. കൂടാതെ ആ ബുദ്ധിയുടെ ദാനത്താൽ (ഉദവ) ഞങ്ങളുടെ രക്ഷ ചെയ്താലും. അല്ലയോ (ഭഗ) പരമ ഐശ്വര്യസ്വരൂപനായ പ്രഭോ ! (ന:) ഞങ്ങൾക്കായി (ഗോഭി:) പശു തുടങ്ങിയ പാൽ നൽകുന്ന മൃഗങ്ങളേയും, കൂടാതെ (അശ്വൈ:) വേഗത്തിൽ എത്തിക്കാൻ കഴിയുന്ന കുതിരയെപ്പോലുള്ള വാഹനരൂപത്തിലുള്ള മൃഗങ്ങളാൽ ഉത്തമമായ രാജ്യഐശ്വര്യങ്ങളെ (പ്രജനയ) പ്രകടമാക്കിയാലും = നൽകിയാലും. അല്ലയോ (ഭഗ) പ്രഭോ! അങ്ങയുടെ കൃപയാൽ ഞങ്ങൾ (നൃഭി:) ഉത്തമ പരുഷന്മാരുടെ സഹായത്താൽ (നൃവന്ത:) ശ്രേഷ്ഠന്മാരും വീരപുരുഷന്മാരും (പ്ര സ്യാമ) ആയിത്തീരട്ടെ.
(കടപ്പാട്: മഹർഷി ദയാനന്ദസരസ്വതിയുടേയും പണ്ഡിറ്റ്യുധിഷ്ഠിർ മീമാംസകിന്റേയും വേദഭാഷ്യങ്ങൾ)
🙏
കെ. എം. രാജൻ മീമാംസക്
ആര്യപ്രചാരക് & അധിഷ്ഠാതാവ്
വേദഗുരുകുലം, കാറൽമണ്ണ & ലേഖരാം കന്യാഗുരുകുലം, വെള്ളിനേഴി
