✍️ കെ. എം. രാജൻ മീമാംസക്
ഈശ്വരന്റെ നാമങ്ങൾ
വായവായാഹി ദർശതേമേ സോമാ അരങ്കൃതാഃ।
തേഷാം പാഹി ശ്രുധീ ഹവമ്।।
(ഋഗ്വേദം 1.2.1)
[വായു =] ഈശ്വരൻ തന്റെ സർവശക്തിയാൽ സമസ്ത പദാർത്ഥങ്ങളെയും സൃഷ്ടിച്ച് നിത്യവും നിലനിർത്തുന്നു. അദ്ദേഹം സൃഷ്ടിച്ച വായുവിലൂടെയും ലോകം നിലനിൽക്കുകയും സംരക്ഷിക്കപ്പെടുകയും ചെയ്യുന്നു. അദ്ദേഹത്തിന്റെ ധാരണയും സംരക്ഷണവും ഇല്ലാതെ യാതൊന്നിന്റെയും രക്ഷ സാധ്യമല്ല.
ജീവൻ സ്നേഹപൂർവ്വം അർപ്പിക്കുന്ന സ്തുതിയും പ്രാർത്ഥനയും വാക്കുകളും സർവവ്യാപിയായ ഈശ്വരൻ ഓരോ നിമിഷവും കേൾക്കുന്നു. അതുപോലെ, ജീവികൾക്ക് വായുവിന്റെ സഹായത്താലാണ് ശബ്ദങ്ങൾ ഉച്ചരിക്കാനും മറ്റുള്ളവരുടെ വാക്കുകൾ ശ്രവിക്കാനും കഴിയുന്നത്.
(കടപ്പാട് : മഹർഷി ദയാനന്ദസരസ്വതിയുടെ ഋഗ്വേദഭാഷ്യം)
🙏
കെ. എം. രാജൻ മീമാംസക്
ആര്യപ്രചാരകൻ & അധിഷ്ഠാതാവ്
വേദഗുരുകുലം, കാറൽമണ്ണ & ലേഖരാം കന്യാഗുരുകുലം, വെള്ളിനേഴി
