വൈദിക സാഹിത്യ പ്രചാര മാസം

വൈദിക സാഹിത്യ പ്രചാര മാസം ജൂൺ 29 മുതൽ ജൂലൈ 29 വരെ

നമസ്തേ,

വൈദിക സായന പഞ്ചാംഗമനുസരിച്ച് ആഷാഢ ശുക്ല പൂർണ്ണിമ അഥവാ ഗുരു പൂർണ്ണിമ (2026 ജൂൺ 29) മുതൽ ശ്രാവണ പൂർണ്ണിമ (ജൂലൈ 29) വരെ ആര്യസമാജം കേരള ഘടകം വേദപ്രചാരമാസമായി ആചരിക്കുന്നു. ഈ പൂർണ്ണിമ തിഥികൾക്ക് ഇടയിൽ വരുന്ന ഒരു മാസം വൈദിക ദൃഷ്ടിയിൽ ധർമ്മപ്രചാര പ്രവർത്തനങ്ങൾക്ക് ഏറെ വിശേഷപ്പെട്ടതാണ്. പുതിയ പഠന – പാഠന പദ്ധതികൾ ആസൂത്രണം ചെയ്യുക, വൈദിക സാഹിത്യ പ്രചാരണം നടത്തുക തുടങ്ങിയ വിവിധ പരിപാടികൾ നടത്താൻ കേരളത്തിൽ ആകമാനം പദ്ധതിയിടുന്നുണ്ട്. ഇതിന്റെ ഭാഗമായി ഒരുമാസം നീണ്ടുനിൽക്കുന്ന വിവിധ ധർമ്മപ്രചാരണ പരിപാടികളും ജൂൺ 29 ന് ആരംഭിക്കുന്നതാണ്. വേദഗുരുകുലത്തിൽ ഏതാനും പുതിയ വൈദിക കോഴ്സുകൾ ഈ മാസാചരണത്തോടനുബന്ധിച്ച് ആരംഭിക്കുകയുമാണ്. വെള്ളിനേഴി ആര്യസമാജത്തിന്റെ നേതൃത്വത്തിൽ വിവിധ ജില്ലകളിൽ പ്രവർത്തിക്കുന്ന സത്സംഗ സമിതികളുടെ ആഭിമുഖ്യത്തിൽ തിരഞ്ഞെടുത്ത സ്ഥലങ്ങളിലും പുതിയ കോഴ്സുകൾ തുടങ്ങുന്നുണ്ട്. കൂടാതെ വെള്ളിനേഴി ആര്യസമാജം പ്രസിദ്ധീകരിച്ച വൈദിക സാഹിത്യങ്ങൾ ആകർഷകമായ ഡിസ്‌കൗണ്ടോടെ വിതരണം ചെയ്യുന്നതാണ്. ദയാനന്ദ സന്ദേശം ഡിജിറ്റൽ വൈദിക മാസികയുടെ പ്രചാരമാസം കൂടിയാണ് ഇത്. മഹർഷി ദയാനന്ദ സരസ്വതിയുടെ അമരഗ്രന്ഥമായ സത്യാർത്ഥപ്രകാശം പരമാവധി ധർമ്മ ജിജ്ഞാസുക്കളുടെ വീടുകളിൽ എത്തിക്കുവാൻ ശ്രമിക്കുന്നതാണ്.

ഈ ധർമ്മജാഗരണ പ്രവർത്തനങ്ങളിൽ പങ്കാളികളാവാൻ എല്ലാ ധർമ്മപ്രേമികളെയും ആര്യസമാജം കേരളഘടകം സാദരം സ്വാഗതം ചെയ്യുന്നു.

TEAM ARYA SAMAJAM KERALAM

📞 for more Information
+91 94975 25923 / +91 94465 75923

📧 Email:
vedagurukulamkerala@gmail.com

💬 Join Our WhatsApp Group:
https://chat.whatsapp.com/Jj2EScHZi8YHiV7tbRU9d3

🌍 Official Website:
https://aryasamajkerala.org.in